清心丸究竟是點整呢好神秘呀!

6月22日 星期五

咦! 又到星期五我們幾個同事的荼聚吹水日。  今日話題好似都係講湊小孩!  不過後來Vivian提起整甜品。 Brandy就話想學東海的【海底椰糖水】, 然後叫我揾日整返公司。 後來Brandy又叫Vivian整潮洲人甜品綠豆清心爽, Vivian就話『唔好整依個Dorian食唔到』 因Dorian懷孕中。 Brandy繼續想說服Vivian整【綠豆清心爽】番公司, 佢話Dorian乜都吃沒戒口唔信問下Dorian。 Dorian就話『係呀!我芒果西瓜照食。』 Vivian話都係唔整【綠豆清心爽】啦! 她要整【雪糕紅豆涼粉冰】返公司。 我說『咦! 【雪糕紅豆涼粉冰】咪係我老細favorite嚟嘅!』 Vivian話『係呀!間唔中要冧吓你老細嘛! 』之後Brandy仍想說服Vivian整【綠豆清心爽】我也幫腔叫她整返公司, 但她仍是話要整【雪糕紅豆涼粉冰】。 我咪叫Brandy唔好再叫Vivian整嚕! 我話佢都係唔整返嚟架啦! 算啦!

我就打算自己學整啦! 我咪問吓Vivian咯! 『Vivian呀! 清心丸點整架?』Vivian說『我唔會話你知點整用乜野份量架!』我又問『我唔係想問你用的份量。我係想知用什麽材料整啫!』Vivian說『咁咪係用生粉、豆粉咯!生粉、豆粉其實係同一樣嘢! 阿花, 不如你整【楊芝甘露】呀! 我就整【綠豆清心爽】啦』

【清心丸】究竟是點整呢好神秘呀! 所以這假期我會發揮下我小宇宙試做的! 下一篇會和大家分享下怎作【清心丸】的!  但糖水會晚些post 相上來。